کچھ اور ہو نہ ہو مجھے عرفان نعت ہے

 عارفانہ کلام حمد نعت منقبت

کچھ اور ہو نہ ہو مجھے عرفانِ نعت ہے

اب میرے ذمے دیکھ قلمدان نعت ہے

یہ ذکر ہے خدا کا، یہی شان نعت ہے

ذکرِ نبیﷺ ہی اصل میں قرآن نعت ہے

جب سے سجائی محفلِ نعت و درود

میرا ہر ایک لمحہ گلستان نعت ہے

سر پر اٹھا کے لائے ہیں محشر میں کاتبین

اعمال نامہ ہے میرا دیوان نعت ہے

جوں اس کے سامنے ہو رکھا ایک آئینہ

قرآن بھی رسولﷺ کی ہی شان نعت ہے

روشن ہے ان کے نور سے اس دل کی کائنات

نصرت یہی تو اصل میں فیضان نعت ہے

ہر شعبہ حیات میں امکان نعت ہے

یہ ہے کرم خدا کا یہ باران نعت ہے

نعیم عباس ساجد