عارفانہ کلام حمد نعت منقبت
ہو گئیں مُشکلیں آسان تِریؐ نسبت سے
مِل گیا درد کا درمان تری نسبت سے
قدر و قیمت نہ زمانے میں کوئی تھی جن کی
ہو گئے لوگ وہ ذی شان تری نسبت سے
خواب میں آ جا یا طیبہ میں بلا لے آقاﷺ
رکھتا ہوں دل میں کچھ ارمان تری نسبت سے
بزم جب نعت کی پیاری سی سجائئ میں نے
خوب مہکا مِرا ایوان تری نسبت سے
تیری نعتوں کو وظیفہ جو بنایا اس نے
سرخرو ہو گیا عدنان تری نسبت سے
کاشف بریلوی
عدنان علی
No comments:
Post a Comment