دل جو عشق شہ لولاک سے آباد نہیں

 عارفانہ کلام حمد نعت منقبت

دل جو عشقِ شہِ لولاکﷺ سے آباد نہیں

دل وہ ہوتا ہے زمانے میں کبھی شاد نہیں

اذھبو کہنے کا مقصد ہے یہی محشر میں

کوئی بھی ان کے سوا صاحبِ امداد نہیں

صرف اک بار مجھے اذنِ مدینہ مل جائے

ماسوا اس کے کوئی سینے میں فریاد نہیں

سارے دیوانے یہ کہتے ہیں شہنشاہِ رُسلؐ

کوئی فیّاض نہیں،۔ آپﷺ سا جوّاد نہیں

کون ہے جس پہ شہِ دیں کی عنایت نہ ہوئی

کون ہے جس کی سنی آقاﷺ نے فریاد نہیں

صرف اک بار پکارا تھا اغثنی یا غوثؒ

پھر بنی کیسے مِری بات مجھے یاد نہیں

اہلِ محشر بھی تجھے دیکھ کے شاہین کہیں

مصطفیٰﷺ کی یہ دِوانی ہے کوئی ماد نہیں

شاہین انجم امجدی