نہیں ہے ذکر نبی لبوں پر دلوں میں عشق نبی نہیں ہے

 عارفانہ کلام حمد نعت منقبت

نہیں ہے ذکر نبیؐ لبوں پر دلوں میں عشق نبیؐ نہیں ہے

اگر ہے ایسا تو پھر ہماری یہ زندگی زندگی نہیں ہے

چہل پہل نُور کی جہاں ہے نثار بازارؐ مصر جس پر

تمہیں بتاؤ اے زائرو! کیا مدینے کی وہ گلی نہیں ہے

 اسے خبر ہے اسے پتہ ہے لگا ہے نام نبیؐ کا طغریٰ

ہمارے گھر کی طرف مصیبت اُٹھا کے سر دیکھتی نہیں ہے

جسے جو چاہیں عطا وہ کر دیں بلا کے منگتا کی جھولی بھر دیں

نبیﷺ سا مُختار کُل جہاں میں یقین جانو کوئی نہیں ہے

کرم کبھی تو نبیﷺ کا ہو گا کبھی تو حرف جلی بنے گا

شفیق حرف خفی ہے جب تک شعاع طیبہ پڑی نہیں ہے

شفیق رائے پوری