عشق سرکار رلائے تو مزہ آ جائے

  عارفانہ کلام حمد نعت منقبت

عشقِ سرکارﷺ رُلائے تو مزہ آ جائے

دردِ دل اور بڑھائے تو مزہ آ جائے

جالیاں، گنبد و مینار، در و بامِ حرم

حسرتِ دید مٹائے تو مزہ آ جائے

پل میں سرکارؐ گئے عرش پہ جا کر آئے

نجدی بھی جا کے دکھائے تو مزہ آ جائے

زندگی بھر شہِ لولاکؐ کے قدموں میں رہوں

اور اجل بھی وہیں آئے تو مزہ آ جائے

وقت رحلت میرے سرکارؐ کا وہ حُسن و جمال

سامنے نظروں کے آئے تو مزہ آ جائے

بارشِ نُور برستی ہے جہاں پر پیہم

اس میں شاہین نہائے تو مزہ آ جائے

تیرا شاہین مدینے سے بُلاوا آیا

کوئی مژدہ یہ سنائے تو مزہ آ جائے

شاہین انجم امجدی