عارفانہ کلام حمد نعت منقبت
اے تخیل! مِدحتِ آقاﷺ کی تعبیرات سوچ
والضحیٰ، واللیل جیسی آج تشبیہات سوچ
باطہارت ہو کے اے دل! پڑھ محبت سے درودؐ
پیش کرنے کے لیے آقاؐ کو کچھ سوغات سوچ
ربِ ھبلی اُمتی کہتا رہا جو ہر گھڑی
اے خِرد! اس رحمتِ عالمؐ کے احسانات سوچ
ذہن! مت پرواز کر باغ و بہارِ خُلد میں
جلوہ فرما ہیں جہاں سرکارؐ وہ باغات سوچ
اے مِرے وِجدان! اب شمس وقمر سے آگے بڑھ
لا مکاں کیسے گئے آقاﷺ ذرا حالات سوچ
رحمۃ اللعالمیں سے بھیک لے لے عفو کی
لے کے آ اشکِ ندامت، چشمِ تطہیرات سوچ
رہ سدا اختر! ثنائے شاہﷺ میں رطب اللسان
ذکر میں انؐ کے فعنا کی بھی توضیحات سوچ
اختر حشمتی
No comments:
Post a Comment