عارفانہ کلام حمد نعت منقبت
رحمتِ کُل صاحبِ کوثرﷺ ملے
فضلِ رب کے خوب تر گوہر ملے
مجھ کو جنت کا پتہ مل جائے گا
"تیرے کُوچے کا اگر رہبر ملے"
بیٹیوں کے زخم سارے بھر گئے
بن کے مرہم جب انہیں سرورؐ ملے
اور کیا مانگوں بھلا سرکارﷺ سے
مجھ کو جب اوقات سے بڑھ کر ملے
سامنے رُوئے نبیﷺ ہو، اُس گھڑی
زندگی سے موت جب آ کر ملے
سر قلم کر دوں یزیدی قوم کا
گر علیؑ کے لال کا خنجر ملے
یہ غلام مصطفیٰﷺ کی شان ہے
ان کے کوزے میں انا ساغر ملے
ہے دُعا شاہین کی سرکارﷺ یہ
آپؐ کے کُوچے میں اس کو گھر ملے
شاہین انجم امجدی
No comments:
Post a Comment