عارفانہ کلام حمد نعت منقبت
ہر ایک سانس مہکتی ہوئی مِری گُزرے
تمہاری یاد میں آقاﷺ یہ زندگی گزرے
فقط گدائی نہیں سر نہادۂ در ہے
خمیدہ سر تِرےؐ کوچے سے خُسروی گزرے
مہ و نجوم میں اب تک ہیں اوج کے چرچے
زمانہ ہو گیا افلاک سے نبیﷺ گزرے
درِ حبیبﷺ ہے ہوش و خرد کے ناخن لے
سنبھل کے کوچۂ سرورؐ سے بیخودی گزرے
جمالِ یار کی زیبائیاں ہیں آنکھوں میں
مجال کیا مِرے دل سے کبیدگی گزرے
رسولِ پاکؐ کی سیرت ہو گر طریق عمل
معاشرے کو نہ چُھو کر کشیدگی گزرے
زباں پہ ذکرِ حبیبِ خداﷺ رہے اختر
کچھ اس طرح سے مِری آخری گھڑی گزرے
اختر حشمتی
No comments:
Post a Comment