میرے قرارِ راحتِ حاصل کے آس پاس
اِک پُھول کِھل رہا ہے مرے دل کے آس پاس
اِک آنکھ کے خُمار نے سرشار کر دیا
اِک کشتئ وصال کو ساحل کے آس پاس
میری اُمیدِ شب کے دِیے بُجھ کے رہ گئے
تیرے نجومِ ذات کی جِھلمل کے آس پاس
تنہائیوں کے دوش پہ نوحہ گُزار ہے
یہ دل تِرے فسانۂ بیدل کے آس پاس
اِک صُبحِ نو بہار کے غُنچے کِھلا دئیے
میرے لہو نے کوچۂ قاتل کے آس پاس
مجھ کو جبیں وہ دیکھتا ہے دُور دُور سے
دردِ شبِ فراق کی منزل کے آس پاس
فاطمہ زہرا جبیں
No comments:
Post a Comment