عارفانہ کلام حمد نعت منقبت
بہرِ تعظیم فرشتوں کے بھی لشکر نکلے
پنجتن پاک جو اوڑھے ہوئے چادر نکلے
حکم فرما دیں حسینؑ ابنِ علیؑ تو فوراً
کرنے سیراب بہتّر کو سمندر نکلے
خانۂ کعبہ سے آنے لگی پیہم یہ صدا
دِیں بچانے کے لیے دِین کے رہبر نکلے
جانب کرب و بلا دیں کی بقا کی خاطر
دیکھیے شان سے لختِ دلِ حیدرؑ نکلے
ڈھونڈتا پھرتا تھا جن کو میں نہ جانے کب سے
جھانک کر دیکھا تو وہ قلب کے اندر نکلے
ان کو معلوم ہے تعظیم کسے کہتے ہیں
نجدیا تجھ سے بھی اچھے وہ کبوتر نکلے
عشق کی خوشبو وہ پھیلانے لگے چاروں طرف
مکتبِ عشق سے جاوید جو پڑھ کر نکلے
محمد جاوید وارثی
No comments:
Post a Comment