عارفانہ کلام حمد نعت منقبت
غُبارِ رہِ رفتگاں رہ گیا
تصور میں اک کارواں رہ گیا
ستاتی رہی لحنِ اکبرؑ کی یاد
اسیروں میں ذکرِ اذاں رہ گیا
جلے اس طرح سے خیامِ حرم
زمیں رہ گئی، آسماں رہ گیا
جوابِ ستم دیکھ اے حُرملہ
فقط ہنس کے اک بے زباں رہ گیا
مدینہ کہاں، اور کہاں کربلا
کہاں کا مسافر کہاں رہ گیا
بیاباں سے جنت بنی کربلا
مدینے میں خالی مکاں رہ گیا
گُناہوں سے حامد کمر جھک گئی
ضعیفی میں بارِ گِراں رہ گیا
مرزا حامد لکھنوی
No comments:
Post a Comment