ہم بھی اب لکھتے ہیں مدحت آپ کی

 عارفانہ کلام حمد نعت منقبت

ہم بھی اب لکھتے ہیں مدحت آپﷺ کی

جب سے حاصل ہے عنایت آپﷺ کی

یوں تو لفظوں میں بیاں ممکن نہیں

"سب سے اعلیٰ ہے نبوّت آپﷺ کی"

یہ عقیدہ ہے کہ ایماں کے لیے

شرطِ اوّل ہے محبت آپﷺ کی

کامیابی آپﷺ کے رستے میں ہے

اور واضح ہے شریعت آپﷺ کی

عشق کا دعویٰ اگر لب پر ہے تو

جسم پر لازم اطاعت آپﷺ کی

اپنی بداعمالیوں کا خوف ہے

رب ہمیں بخشے شفاعت آپﷺ کی

آپﷺ کی نسبت سے اونچا ہے کلام

فخرِ اسعد ہے یہ نسبت آپﷺ کی

اسعد لاہوری