کیا ڈرائیں گی بجلیاں مجھ کو
جب نہیں فکرِ آشیاں مجھ کو
گلستاں کا تِرے نظام ہے کیا
دیکھنا ہے یہ باغباں مجھ کو
اب جھکانا ہے سرکشوں کا سر
کچھ نہیں فکرِ جسم و جاں مجھ کو
ابر چھایا ہوا ہے اے ساقی
لا پلا جامِ زرفشاں مجھ کو
جانتا ہوں میں اس کی فطرت کو
کیا ستائے گا آسماں مجھ کو
اضطرابِ جنوں سے ساحل کا
موجِ طوفاں پہ ہے گماں مجھ کو
سر کچلنے کو اپنے اعداء کا
دے خدا ہمتِ جواں مجھ کو
برقِ سوزاں کا ضد پہ اے پیکاں
پھر بنانا ہے آشیاں مجھ کو
پیکاں چاندپوری
ماسٹر عبدالرشید
No comments:
Post a Comment