انتظار
سُلجھی زُلفوں
اُلجھی سوچوں والی لڑکی
دھڑکتے دل کی بے تابی سے
ہر آہٹ پہ چونک ہے جائے
گھڑی کی ٹِک ٹِک سُنتی جائے
نرم گداز سے صوفوں پر
سیدھے رکھے، سجے سجائے
نیلے، پیلے، سبز کُشن
پھر سے سیدھے کرتی جائے
چوتھی، پانچویں بار ہے اب تو
آنکھ جھپک کے، سر کو جھٹک کے
ہونٹ دبا کر دانتوں میں
پاگل خُود کو کہتی جائے
سُلجھی زُلفوں
اُلجھی سوچوں والی لڑکی
شہزاد احمد اعوان
No comments:
Post a Comment