کہ دنیا سے گزر کے بھی یہ مائیں کام آتی ہیں

 نہ ہو ان کا جب سایہ دعائیں کام آتی ہیں

کہ دنیا سے گزر کے بھی یہ مائیں کام آتی ہیں

سکوتِ شب میں یادوں کی صدائیں کام آتی ہیں

مجھے تیرے دوپٹے کی ہوائیں کام آتی ہیں

یہ بیٹے زندگی میں آگے پیچھے ہوتے رہتے ہیں

مگر یہ بیٹیاں تو دائیں بائیں کام آتی ہیں

محبت کی علامت ہیں، انہیں زخمی نہیں کرنا

قیامِ امن میں یہ فاختائیں کام آتی ہیں

گناہوں کی نہیں پابند، بندہ پروری اس کی

وہ ہو جب رحم پہ مائل، خطائیں کام آتی ہیں

چمکتے ہیں شکستہ دل میں تیری یاد کے جگنو

شبِ غربت میں بوسیدہ قبائیں کام آتی ہیں

غریب انسان مر جائے تو اس کے اہلِ خانہ کو

جو بچ جاتی ہیں گھر میں، سب دوائیں کام آتی ہیں

اگر سانسیں اکھڑ جائیں تو اکثر ہم نے دیکھا ہے

مریضِ غم کو مصنوعی ہوائیں کام آتی ہیں

نور امروہوی