مجھ پر بھی بے اثر تھا اُجالا کبھی کبھی
مجھ کو بھی راس آتا اندھیرا کبھی کبھی
بستی میں رہ کے جس کا تصوّر محال تھا
وہ لُطف دے گیا مجھے صحرا کبھی کبھی
سُورج بھی بدلیوں میں گرِفتار ہو گیا
ظُلمت سے بھی بُرا تھا سویرا کبھی کبھی
جو جسم کے سبب ہی نمُودار بھی ہُوا
لگتا ہے اجنبی وہی سایہ کبھی کبھی
پہلو میں اپنے بیٹھ کے دُنیا کو بھُول کر
فُرصت سے اپنے آپ کو دیکھا کبھی کبھی
تبدیلئ فضا کے لیے میں بھی اے نہال
جاتا ہوں شہر چھوڑ کے صحرا کبھی کبھی
نہال انصاری
No comments:
Post a Comment