عارفانہ کلام منقبت سلام مرثیہ بر امام حسینؑ
گلشنِ زہراؑ میں ہے فصلِ خزاں آئی ہوئی
آسماں پر غم کی ہے کالی گھٹا چھائی ہوئی
اس کو رونے جس کا کوئی بھی نہیں تھا نوحہ گر
لاشۂ شبیرؑ پر زینبؑ ہے آج آئی ہوئی
قاصدِ صغراؑ سے یوں رو کر کہا شبیرؑ نے
جاگ لینے دو، جوانی کو ہے نیند آئی ہوئی
مجھ کو تنہائی ڈراتی ہے، سکینہؑ نے کہا
ہر طرف زنداں میں ہیں تاریکیاں چھائی ہوئی
جس کے پردے کی حیا سے چھپ گیا شمسِ فلک
شام میں کہتے ہیں، تھی وہ بے ردا آئی ہوئی
تھے حریصِ دولتِ دنیائے سقیقہ کے غلام
جو کہ اختر! مِرے مولا کی ٹھکرائی ہوئی
اختر چنیوٹی
اختیار حسین
No comments:
Post a Comment