آئی سمجھ حیات بھی رُسوائیوں کے بعد
دل کو ملا سکوں بڑی پسپائیوں کے بعد
اپنا بنا کے رکھتا تھا جو اک جہان کو
کیا مل گیا اسے بھی شناسائیوں کے بعد
بنجر زمینِ دل پہ نہ اب سبزہ اُگائیے
بھاتی نہیں ہیں رونقیں تنہائیوں کے بعد
کھِلتا ہوا گلاب🌹،۔ مہکتا ہوا شباب
روندا پڑا ہے خاک پہ رعنائیوں کے بعد
ملبوس خوشبوؤں میں مہکتی ہوئی عروس
خوابوں کی کرچیاں ہوئیں شہنائیوں کے بعد
خوشیوں کے ساتھ ساتھ کئی حادثے بھی تھے
قُربت ملی تھی ہجر کی سچائیوں کے بعد
کیوں دل میں کوئی حسرتِ بے نام ہو سحر
ملتا ہے کوئی اپنا بھی کٹھنائیوں کے بعد
تابندہ سحر عابدی
No comments:
Post a Comment