عارفانہ کلام نعتیہ کلام
جنہیں انِ کے نظارے ہو گئے ہیں
وہ ذرے چاند تارے ہو گئے ہیں
جسے تیراﷺ سہارا مل گیا ہے
اُسے کتنے سہارے ہو گئے ہیں
تمہارےﷺ در کا ٹکڑا اللہ، اللہ
غریبوں کے گزارے ہو گئے ہیں
نہیں ہے جن کا کوئی اس جہاں میں
وہ بے کس سب تمہارےؐ ہو گئے ہیں
جدھر کو اُٹھ گئی ہیں وہؐ نگاہیں
ادھر طوفاں کنارے ہو گئے ہیں
منور!! انؐ نگاہوں پر تصدق
منور چاند تارے ہو گئے ہیں
منور بدایونی
No comments:
Post a Comment