مِری ہستی کو کن کی وہ صدا دے
اسے پھر زیست کا حاصل بنا دے
مِرے جیون کو اندھیاروں نے گھیرا
اسے شمع فروزاں کی دعا دے
نہ دے انگارے اس جھولی میں میری
اُدھر بگیا ہے کچھ کلیاں تو لا دے
شکست آثار لمحوں سے بچا کر
سندیسہ کامرانی کا سنا دے
کھڑی ہوں تشنہ لب صحرائے جاں میں
تُو اس صحرا کو باران بقا دے
مِرے آنگن میں اندھیارا بہت ہے
زرا بجھتے دِیۓ کی لِو بڑھا دے
شکیلہ رفیق
No comments:
Post a Comment