عارفانہ کلام نعتیہ کلام
شاہِ کون و مکاںؐ کا پیراہن
سیدِ انس و جاںؐ کا پیراہن
بے نواؤں کے واسطے راحت
یاورِ بے اماں کا پیراہن
اس کی برکت سے غم مٹے سارے
حامئ بے کساں کا پیراہن
نعمتیں اس کے صدقے ملتی ہیں
باعثِ کُن فکاں کا پیراہن
دل کی بر آتی ہیں مرادیں سب
رحمتِ دو جہاںؐ کا پیراہن
مل کے پڑھتے رہیں درود شریف
والئ بے کساں کا پیراہن
ہے مشاہد تِرے دکھوں کی دوا
راحتِ خستگاں کا پیراہن
مشاہد رضوی
No comments:
Post a Comment