ہندو سمجھ کے مجھ کو جہنم نے دی صدا

عارفانہ کلام نعتیہ کلام

ہندو سمجھ کے مجھ کو جہنم نے دی صدا

میں پاس جب گیا تو نہ مجھ کو جلا سکا

بولا کہ تجھ پہ کیوں مِری آتش ہوئی حرام

کیا وجہ، تجھ پہ شعلہ جو قابو نہ پا سکا

کیا نام ہے، تُو کون ہے، مذہب ہے تیرا کیا

حیراں ہوں میں، عذاب جو تجھ تک نہ جا سکا

میں نے کہا؛ کہ جائے تعجب ذرا نہیں

واقف نہیں تُو میرے دلِ حق شناس کا

ہندو سہی مگر ہوں ثنا خوانِ مصطفیٰﷺ

اس واسطے نہ شعلہ تِرا مجھ تک آ سکا

ہے نام دلو رام، تخلص ہے کوثری

اب کیا کہوں، بتا دیا جو کچھ بتا سکا

کوثر علی کوثری (دلو رام کوثری)