شرار و برق میں پنہاں تِرے جلال کا رنگ
گلوں پہ چھایا ہوا ہے تِرے جمال کا رنگ
فلک کے چاند ستاروں میں بھی نمایاں ہیں
تِرے کمال کی صورت مِرے خیال کا رنگ
🔴 یہ کون کھیل گیا آسمان پر ہولی
شفق کے دامنِ رنگیں میں ہے گُلال کا رنگ
مسرّتوں کا جہاں دِیدنی ہے اے ہمدم
کھلا ہے لیلٰئ شب پر شبِ وصال کا رنگ
ہیں تیری ذات سے وابستہ عید کی خوشیاں
دکھائی دیتا ہے ابرُو میں بھی ہلال کا رنگ
کمال ہے تِرے شعر و سخن میں بھی کشفی
جھلک رہا ہے تِری طبع بے مثال کا رنگ
کشفی ملتانی
No comments:
Post a Comment