جب سے زندانی ہوا دل گردشِ تقدیر کا
روز بڑھ جاتا ہے اک حلقہ مری زنجیر کا
میرے حصے میں کہاں تھیں عجلتوں کی منزلیں
میرے قدموں کو سدا رستہ ملا "تاخیر" کا
کس لیے بربادیوں کا دل کو ہے اتنا ملال
خونِ دل جن کی گواہی میں ہوا نذرِ وفا
رنگ تو وہ اڑ گئے، اب کیا کروں تصویر کا
میں نے سمجھا تیری چاہت کو فقط انعامِ زیست
مجھ کو اندازہ نہ تھا، اس جرم، اس تعزیر کا
ایک لب تک بھی نہ پہنچی جو دعا تھی مستجاب
کس قدر چرچا ہوا ہے "آہِ بے تاثیر" کا
لفظ کی حرمت مقدم ہے دل و جاں سے مجھے
سچ تعارف ہے مِرے ہر شعر، ہر تحریر کا
عنبرین حسیب عنبر
No comments:
Post a Comment