فلمی گیت
پیار بھرے دو شرمیلے نین
جن سے ملا میرے دل کو چین
کوئی جانے نہ کیوں مجھ سے شرمائیں
کیسے مجھے تڑپائیں
پیار بھرے دو شرمیلے نین
*
دل یہ کہے گیت میں تیرے گاؤں
تُو ہی سنے اور میں گاتا جاؤں
تُو جو رہے ساتھ میرے دنیا کو ٹھکراؤں
تیرا دل بہلاؤں
پیار بھرے دو شرمیلے نین
*
روپ تیرا کلیوں کو شرمائے
کیسے کوئی اپنے دل کو بچائے
پاس ہے تُو پھر بھی جلوں کون تجھے سمجھائے
ساون بیتا جائے
پیار بھرے دو شرمیلے نین
*
ڈر ہے مجھے تجھ سے بچھڑ نہ جاؤں
کھو کے تجھے ملنے کی راہ نہ پاؤں
ایسا نہ ہو جب بھی تیرا نام لبوں پر لاؤں
میں آنسو بن جاؤں
پیار بھرے دو شرمیلے نین
*
پیار بھرے دو شرمیلے نین
جن سے ملا میرے دل کو چین
کوئی جانے نہ کیوں مجھ سے شرمائیں
کیسے مجھے تڑپائیں
پیار بھرے دو شرمیلے نین
*
خواجہ پرویز
No comments:
Post a Comment