ہر مرغ چمن نغمہ سرا سبحان اللہ سبحان اللہ

 عارفانہ کلام حمد نعت منقبت

ہر مرغِ چمن نغمہ سرا سبحان اللہ سبحان اللہ 

تسبیحِ خُدائے ہر دو سرا سبحان اللہ سبحان اللہ 

ہے نقش و نگار ہر دو سرا سبحان اللہ سبحان اللہ 

عنوان کتابِ ارض و سما، سبحان اللہ سبحان اللہ 

کون اس کو بھلا پہچان سکے کون اس کی حقیقت جان سکے 

میں ادا کروں تعریف خدا، سبحان اللہ سبحان اللہ 

کہتا ہوں میں جب سبحان اللہ کس ذوق میں فرماتا ہے خُدا 

کیا خوب کہا، کیا خوب کہا، سبحان اللہ سبحان اللہ 

پہنچاتا ہے عرش اعلیٰ تک لے جاتا ہے عالم معنی تک 

کیا لفظ ہے پیارا نام خُدا، سبحان اللہ سبحان اللہ 

یوں تو ہیں بہت اس کے احساں ان سب میں مگر جو شے ہے گراں 

کی شکر کی بھی توفیق عطا سبحان اللہ سبحان اللہ 

آقا ہے مِرا رحمت مالک مِرا سب سے اعلیٰ 

اے صل علیٰ اے صل علیٰ سبحان اللہ سبحان اللہ 

امجد حیدرآبادی

سید احمد حسین