عارفانہ کلام حمد نعت منقبت
دلِ عصیاں کو میسّر نہیں ہے راحتِ دل
تیریؐ جب نعت میں لکھتا ہوں سکوں پاتا ہوں
خوف ہی رہتا ہے عاصی کو قیامت کا سدا
جب شفاعت کو میں تکتا ہوں سکوں پاتا ہوں
رب کا ہے کرم کہ اُمت میں مِرا نام بھی ہے
ماتھا میں فرش پہ رکھتا ہوں سکوں پاتا ہوں
دِیں کی تکمیل ہوئی، نعمتیں اتمام ہوئیں
تیرے قُرآن کو پڑھتا ہوں سکوں پاتا ہوں
ہم پہ احسان صحابؓہ کا ہے دِیں ہم کو دیا
ذِکر ان کا جو میں کرتا ہوں سکوں پاتا ہوں
تیس کذابوں نے آنا ہے تو لعنت ان پر
نیچے ایڑی کے کُچلتا ہوں سکوں پاتا ہوں
رمزی جو دوست ہے ان کا تُو اسے دُور ہی رکھ
دُشمن ان کو بھی سمجھتا ہوں، سکوں پاتا ہوں
معین رمزی لہوری
No comments:
Post a Comment