چلو یادیں سمیٹو جان جاناں
وہ سب منظر
وہ سب راہیں
جہاں ہم ساتھ چلتے تھے
خُوشی سے دل مچلتے تھے
محبت سے بہلتے تھے
وہ سب منظر
وہ سارے پل
اٹھا کر ساتھ رکھ لینا
زمانے کی سبھی بے رحم آنکھوں سے
بچا کر ساتھ رکھ لینا
یہ سب کچھ پاس ہو گا تو
تیرا احساس ہو گا تو
اکیلے پن کا ہر موسم
سبھی تنہائیوں کے غم
بہل جائیں گے سب ان سے
چلو یادیں سمیٹو جان جاناں
بہت ان کی ضرورت پڑنے والی ہے
فاخرہ انجم
No comments:
Post a Comment