عارفانہ کلام حمد نعت منقبت
کیسی حسیں ادا ہے شہِ کائناتﷺ کی
معراج میں بھی آپؐ نے اُمت کی بات کی
قرآنِ پاک اور حدیثِ رسولﷺ نے
ہر پل دکھائی راہ ہمیں ممکنات کی
رب کی ثنا میں گزرے ہیں دن رات آپِ کے
رب کی رضا سے جمع انہوں نے حیات کی
روشن ہیں سب جہان تمہاری نِگاہ سے
ہر سمت کہکشاں ہے تِرے التفات کی
تہذیب بانٹی وحشی قبائل میں آپﷺ نے
سب نفرتیں مٹائیں، محبت کی بات کی
شہرِ غزل بھی گُھوما تلاشِ سکون میں
پر نعت نے حیات مِری پُر نشاط کی
صادق امین ان سا نہیں ہے جہان میں
تاریخ معترف ہے نبیؐ کی صفات کی
چرچا کیا تمام رسولوں نے آپﷺ کا
قرآن بھی گواہی بنا ایسی ذات کی
ہر بدگمانی دور ہوئی ہے درود سے
دنیا بدل گئی ہے مِری نفسیات کی
رب کی رضا جڑی ہے رضائے حضورؐ سے
یعنی مدینہ دیکھا تو جنت بھی جا تکی
احمد زوہیب
No comments:
Post a Comment