حسین رتوں سے مزین جمال آپ سے ہے

 عارفانہ کلام حمد نعت منقبت

حسین رُتوں سے مزین جمال آپؐ سے ہے

خُدا نے جو بھی دیا ہے کمال آپؐ سے ہے

یہ بُلبلوں کے ترانے،۔ یہ قمریوں کی ثناء

سدا درودﷺ کی شیریں مقال آپؐ سے ہے

ذرا بھی خوف نہیں ہے اندھیر نگری میں

ہمارے سر پہ شفاعت کی شال آپؐ سے ہے

یہ خُوشبوٴوں کا تلاطم ہے آپؐ کے دم سے

کلی کلی کا تبسم نہال آپﷺ سے ہے

میرے حضورؐ ہی مِرے شعور کا محور

میرے خیال کا ہر خد و خال آپؐ سے ہے

میں جس کے ذکر کی لو سے نہال رہتی ہوں

میرے شعور کا رنگ و جمال آپؐ سے ہے

دیا ہے آپﷺ نے حسانؓ کا ہُنر بینا

نوائے نعت سے رشتہ بحال آپؐ سے ہے

روبینہ شاہین بینا