دام فریب عشق ترا شرک ہے نہاں

 عارفانہ کلام حمد نعت منقبت

دامِ فریبِ عشق تِرا شِرک ہے نہاں

ذکرِ خُدا سے تر نہیں تیری اگر زباں

ہر دم خیالِ یارِ بُتاں اور دل میں کیا

محبوب تیرا جو بھی ہو وہ وہم یا گُماں

قائم ہے ایک ذات وہی ربِ ذُوالجلال

مسجد ہے سامنے تِرا محبوب ہے کہاں

تجھ سے کروں میں بات محبت کے نام پر

تیرے نفس پہ گُزرے وہ جیسے بہت گراں

رمزی کے نفس میں تو چراغاں ہے ذکرِ ہُو

ذکرِ نبیﷺ تو بحر ہے رحمت کا بے کراں

معین لہوری رمزی