حال وہ عشق نے کیا میرا
اب نہیں خُود سے رابطہ میرا
موت کا مجھ کو کوئی خوف نہیں
کون روکے گا راستہ میرا؟
میرے دُشمن کو تُو نہ شہ دیتا
تجھ سے ہے بس یہی گِلہ میرا
بچپنا جن کے سنگ گزرا تھا
اب کہاں ان سے رابطہ میرا
ربط اپنا نہیں ہے ظالم سے
کربلا سے ہے سلسلہ میرا
میرے قاتل تو میرے اپنے ہیں
کون مانگے گا خُوں بہا میرا
کب مِرا نام مِٹ سکا فرخ
ذکر ہوتا ہے ہر جگہ میرا
فرخ رضا ترمذی
No comments:
Post a Comment