رُوپ بہرُوپ
جسم کیا رُوح پر بھی خراشیں پڑیں
بُھولتی ہی نہیں کاٹ اُس طنز کی
کس قدر مُختصر دائرہ فکر کا
ابتداء آپ سے، انتہا بھی وہیں
ذات کی داستاں ختم ہوتی نہیں
دل سے نکلے کدُورت کبھی
تو محبت بھی عُنوان ہو
پر یہاں میں فقط "میں" کی گردان ہے
اصل چہرے پہ کچھ اور چہرے سجے
کُھل چُکا بھیس ہر شخص کا
ہاں حقیقت نہیں ہیں یہ بہرُویے
رُوپ بہرُوپ کا
کھیل کتنا چلے
دیکھ لیں مات کس کی ہے اور
جیت کس کو ملے؟
رابعہ سرفراز
No comments:
Post a Comment