احساس گناہوں کا میرے پیچھے پڑا ہے

 احساس گُناہوں کا میرے پیچھے پڑا ہے

دن رات جو دِیمک کی طرح چاٹ رہا ہے

انسان کبھی جُرم پہ آمادہ نہ ہو گا

گر اتنا سمجھ لے کہ کوئی دیکھ رہا ہے

کچھ لوگ اسی بات پہ ناراض ہیں مجھ سے

شہرت کی بلندی پہ میرا نام لکھا ہے

جوگی ہیں، ہمیں آتا ہے جینے کا سلیقہ

پرجا سے شکایت ہے نہ راجا سے گِلا ہے

کہنے کو زمیں پاؤں کے نیچے تو ہے لیکن

سچ پوچھو تو ہر آدمی پانی پہ کھڑا ہے

ظہیر عالم​