عارفانہ کلام حمد نعت منقبت
مدینے کے سپنے سجانے لگے ہیں
زمانے کے غم ہم بُھلانے لگے ہیں
محمدﷺ کی رہتی ہے بس یاد دل میں
نبیؐ میرے دل میں سمانے لگے ہیں
شہنشاہ مہر و وفا ہیں وہیﷺ بس
جہانِ الم بُھول جانے لگے ہیں
شہِ انبیاءﷺ کا کرم جب ہُوا ہے
غموں میں بھی ہم مُسکرانے لگے ہیں
پلٹ کر نہ جائیں مدینے سے گھر کو
مدینے میں سر کو جُھکانے لگے ہیں
محمدﷺ کے اوصاف لِکھنے چلا ہوں
قلم خود بخود تھر تھرانے لگے ہیں
لگایا ہے قُرآن جب اپنے دل سے
مدینے کے سُلطاں بُلانے لگے ہیں
نہیں پیاس باقی رہی میرے دل کی
نبیؐ آبِ زم زم پِلانے لگے ہیں
ہمیں ناز ہے اپنی قسمت پہ بسمل
گلے ہم کو آقاﷺ لگانے لگے ہیں
پریم ناتھ بسمل
No comments:
Post a Comment