وحشتِ دل نہ جب مِٹائی گئی
عصر پڑھ کے صدا لگائی گئی
ذِکر چھیڑا اُداس لوگوں کا
اور میری غزل سُنائی گئی
راستے میں بہت اندھیرا تھا
بات سے روشنی بنائی گئی
یوں بھی جُرمِ وفا کو مانا گیا
وقتِ آخر پلک اُٹھائی گئی
اس جہاں سے تھی جو بہت پہلے
وہ اُداسی نہیں دِکھائی گئی
ایک تو تیرا اِنتظار کِیا
اور پھر عُمر بھی چُھپائی گئی
ہائے ،وہ ایک رات جو شاہد
عرش سے فرش تک سجائی گئی
عرفان شاہد
No comments:
Post a Comment