عارفانہ کلام حمد نعت منقبت
ہمارے نام پر طیبہ میں گر پکارا ہو
نہ کوئی دُکھ ہو ہمیں اور نہ خسارہ ہو
حضورؐ! زیست کا اوجِ کمال یہ ہو گا
حضورؐ! آپ کے قدموں پہ سر ہمارا ہو
حضورؐ! میرا مقدر بھی جگمگا اُٹھے
حضورؐ! میری طرف بھی اگر اشارہ ہو
یہ مہر ماہ میں بطحا کی خاک پر واروں
حضورؐ! میرا فلک پر اگر اجارہ ہو
حضورؐ! آپ کے سارے غلام زندہ باد
سبھی کا نام بلندی کا استعارہ ہو
حضورؐ! ہجر میں سارا جہان بے کل ہے
حضورؐ! آپ کی فرقت کسے گوارہ ہو
اسلم رضا خواجہ
No comments:
Post a Comment