من کو ذکر مصطفٰے سے آفتابی کر رہا ہوں

 عارفانہ کلام حمد نعت منقبت

مدتوں سے میں تو اپنی عکس یابی کر رہا ہوں

من کو ذکرِ مصطفٰےﷺ سے آفتابی کر رہا ہوں

ان کے اسوے سے دئیے تشکیل خد و خال ان کے

اپنے باطن کی نگاہوں کو صحابی کر رہا ہوں

عشق ہوں خُوشبو بھری ہے گُفتگو، احباب میرے

میں تو اس بے رنگ دنیا کو گُلابی کر رہا ہوں

ہجر کا احوال بھی ہے ذکر اپنے عشق کا بھی نعت میں

اب لوگ کہتے ہیں خرابی کر رہا ہوں

یہ شرف خاکِ مدینہ سے مجھے حاصل ہوا ہے

اپنی سوچیں اپنی دُنیا بُو ترابی کر رہا ہوں

دل میں پھیلی تیرگی توقیر کنسر کی طرح ہے

نعت کہہ کر دُور اندر کی خرابی کر رہا ہوں

توقیر عباس