منظر یہ سر عرش نیا دیکھ رہے ہیں

 عارفانہ کلام حمد نعت منقبت

منظر یہ سرِ عرش نیا دیکھ رہے ہیں

نعلینِ محمدﷺ کی ادا دیکھ رہے ہیں

سرکارِ دو عالمﷺ کا ابھی نام لیا ہے

سب گردشوں کا رنگ اُڑا دیکھ رہے ہیں

دُنیا میں کہاں آپؐ کے در سا ہے کوئی در

جس در کی طرف شاہ و گدا دیکھ رہے ہیں

کل روضۂ اطہر پہ جو حاضر تھا مِرا دل

اب ہجرِ مقدس میں پڑا دیکھ رہے ہیں

انگشت بدنداں ہیں زمانے کے سخی سب

ہر وقت کھلا بابِ سخا دیکھ رہے ہیں

سرکارؐ سے مخفی تو نہیں کچھ بھی جہاں میں

سرکارﷺ تو ہر کھوٹا کھرا دیکھ رہے ہیں

محفوظ ہے ہر ایک ادا آپ کی، راجہ

ہم لوگ انہیں دیکھے بِنا دیکھ رہے ہیں

اویس راجا