تہمت چند اپنے ذمے دھر چلے

تہمتِ چند اپنے ذمے دھر چلے

جس ليے آئے تھے سو ہم کر چلے

زندگی ہے يا کوئی طوفاں ہے 

ہم تو اس جينے کے ہاتھوں مر چلے

کيا ہميں کام ان گلوں سے اے صبا

ايک دم آئے اِدھر، اُودھر چلے

دوستوں ديکھا تماشا ياں کا سب

تم رہو خوش ہم تو اپنے گھر چلے

آہ بس موت جی جلا تب جانيے

جب کوئی افسوں تِرا اس پر چلے​

ساقیا! یاں لگ رہا ہے چل چلاؤ

جب تلک بس چل سکے، ساغر چلے

دردؔ کچھ معلوم ہے، یہ لوگ سب

کس طرف سے آئے تھے، کیدھر چلے

خواجہ میر درد