تیرے قتل کے بعد
راز دنیا پر کھلا ہے یہ تِرے قتل کے بعد
لوگ مر کے بھی رہا کرتے ہیں زندہ کیسے
کون کتنا ہے تِرے قتل کی سازش میں شریک
اک نہ اک روز نقاب اٹھے گا ہر چہرے سے
شہر تو محوِ مناجات و دعا تھا، پوچھو
حاکمِ شہر نے وہ رات گزاری تھی کیسے؟
جیسے دراصل ہوا کرتے ہیں کوثر حالات
بسا اوقات نظر آتے نہیں ہیں ویسے
کوثر نیازی
کوثر نیازی نے یہ سوگوار نظم ذوالفقار علی بھٹو کی پھانسی کے بعد کہی تھی
No comments:
Post a Comment