در صفت پیری گوید
کلّر لگا دیوار کو کہہ جعفر اب کیا کیجییۓ
خطرہ ہوا آثار کو کہہ جعفر اب کیا کیجییۓ
چھاؤنی پرانی ہو گئی کہہ جعفر اب کیا کیجییۓ
ہو کر پرانی جھڑ گئی کہہ جعفر اب کیا کیجییۓ
اینٹیں پرانی گِھس چلیں، ماٹی تمامی رس چلی
کیا دوس ہے معمار کو کہہ جعفر اب کیا کیجییۓ
تم تو پکائے گلگلے، وہ سڑ کے ہوئے ہیں پلپلے
کیونکر چلوں سسرال کہہ جعفر اب کیا کیجییۓ
برتن ہوا ہے جھوجرا، لاگا نکلنے کھوجرا
کیا میہنا کمہار کو کہہ جعفر اب کیا کیجییۓ
یہ راہ اب باریک ہے، یہ رات بھی تاریک ہے
چلنا پڑا بازار کو کہہ جعفر اب کیا کیجییۓ
سب کو اس پُل پر گزر، بِن بوجھ کو اب کیا خطر
تَیں تو اٹھایا بار کو کہہ جعفر اب کیا کیجییۓ
جب پُل اتر کر جاؤ گے، تب کیا بھروسا پاؤ گے
نا تو جھٹکو گے نار کو کہہ جعفر اب کیا کیجییۓ
جعفر زٹلی
No comments:
Post a Comment