ہماری سمت مت دیکھو
ہماری سمت مت دیکھو
کہ ہم سب زرد ہوتی ساعتیں ہیں
اندھیری رات کی وہ نیلگوں ساعت
جو مشتِ تیرگی میں اک ستارے کی طرح
روشن ہوئی اور جل بُجھی تھی
ہمارے ناخنوں کی مضمحل بے دھار جنبش
سرِ قرطاس آخر کیا لکھے گی
سسکتے لفظ اپنی کینچلی کیسے اتاریں گے
مِرے ریشوں میں اُترا زہر
میرے نیلگوں پن سے اُبھرتی روشنی
طوفان بن کر چار سُو پھیلا ہوا موسم
ٹھٹھرتے لب، لبوں پر منجمد حرفِ تمنا
عجب یخ بستگی کی سرد ساعت
ٹھٹھرتے، بے کراں، دائم زمانے
رانا غضنفر عباس
No comments:
Post a Comment