مٹی ہوں بھیگنے دے مِرے کوزہ گر ابھی
مصروف گردشوں میں ہے دستِ ہنر ابھی
خود بڑھ کے قتل گاہ میں قاتل کے سامنے
مقتول ہو گیا ہے بہت با اثر ابھی
چہروں بھری کتاب میں ملتی نہیں ہے اب
دیکھی تھی تیری شکل کسی صفحہ پر ابھی
چمکے تھے لفظ تیری سماعت کی دھوپ میں
حسنِ خیال تھا کہ ہُوا معتبر ابھی
دل آبلوں کا رکھنے کو شاید اتر پڑے
ابرِ رواں ہے دشت میں محوِ سفر ابھی
ہم ہیں چراغِ 🪔 آخرِ شب تو ملال کیا
بجھ بھی گئے ہوا سے تو ہو گی سحر ابھی
تسنیم حسن
No comments:
Post a Comment