الٹے ہونٹ
خدا معبدوں میں اکیلا ہے
کوئی عبادت کو جاتا نہیں
جو گیا
خالی ورزش ہوئی
خود وہ اٹکا رہا، دُور باہر کہیں
خرابی کی بنیاد پر بننے والا
عجب آدمی
مالیکیولی بناوٹ میں
نوری بُرادہ ملایا گیا
ثقل آغاز پائی
بنا جسم سے جسم کے وصل کا ذائقہ
وجہِ تولید و تجسیم کا وہ علاقہ جہاں پر
ثواب و گُنہ کی کسوٹی
پھڑکنے لگی
دُھند بڑھنے لگی
جو دِکھتا ہے
وہ تو نہیں دیکھتا
قاعدی، سیدھے ہونٹوں کا باغی
خرابی کے ثقلی مداروں میں جکڑا ہوا آدمی
الٹے ہونٹوں کی چکنی زیارت کا
پکا بجاری
وہ ننگے بدن میں لپیٹے ہوئے
لیٹے سجدوں کو اپنی عبادت سمجھتا
خدا معبدوں میں اکیلا کھڑا
اس عبادت کی روداد سننے میں مصروف ہے
گل جہان
No comments:
Post a Comment