عارفانہ کلام نعتیہ کلام
دل میں کسی کو اور بسایا نہ جائے گا
ذکرِ رسولِ پاکﷺ بُھلایا نہ جائے گا
وہ خود ہی جان لیں گے، جتایا نہ جائے گا
ہم سے تو اپنا حال سنایا نہ جائے گا
ہم کو جزا ملے گی محمدﷺ کے عشق کی
دوزخ کے آس پاس بھی لایا نہ جائے گا
روشن رہے گا داغِ فراقِ شہِ اممﷺ
یہ وہ چراغ ہے جو بجھایا نہ جائے گا
بے شک حضورﷺ شافعِ محشر ہیں، مُنکرو
کیا انؐ کے سامنے تمہیں لایا نہ جائے گا
کہتے تھے یہ بلالؓ تشدد پہ کفر کے
عشقِ نبیؐ تو دل سے مٹایا نہ جائے گا
مانے گا انؐ کی بات خدا، حشر میں نصیر
بِن مصطفیٰﷺ، خدا کو منایا نہ جائے گا
سید نصیرالدین نصیر
No comments:
Post a Comment