کاش خوش بخت کوئی ایسی دعا ہو آمین

عارفانہ کلام نعتیہ کلام

کاش خوش بخت کوئی ایسی دعا ہو آمین

جس کی تائید میں آقاﷺ نے کہا ہو آمین

پہلے تو حبس سے محبوس فضا ہو آمین

پھر میسر مجھے طیبہ کی ہوا ہو آمین

نعت وہ نعت کہ ہو جائے عدو خلقِ خدا

کم سے کم موت کی مِدحت پہ سزا ہو آمین

عشق اور عشق بھی سرکارِ دو عالمؐ کے حضور

اور اس جرم میں سر تن سے جدا ہو آمین

یہ محمدﷺ کے غلاموں کی غلامی میں مرا

میری میت کے سرہانے یہ لکھا ہو آمین

خواہشِ اول و آخر ہے درِ آقاﷺ پر

لاکھ پہرے ہوں مگر سجدہ ادا ہو آمین

میں سر حشر کہوں آپﷺ کو خالق اپنا

اور حمایت میں مِری، مِرا خدا ہو آمین

العجل کی سرِ گنبد میں صدا دوں اکبر

چاروں جانب پہ فقط ایک صدا ہو آمین

حسنین اکبر