عارفانہ کلام حمد نعت مقبت
اسلام کی تعلیم ہے فرمان محمدﷺ
توحید کا نشہ مئے عرفانِ محمدﷺ
ملتی ہے یہاں روح کو برنائی و تسکیں
ہے سایۂ حق، سایۂ دامانِ محمدﷺ
ہر نقشِ قدم اس کا نشانِ سرِ منزل
سب قافلے والے ہیں ثناء خوانِ محمدﷺ
گھٹتی گئی کوتاہی چشم و دلِ انساں
بڑھتی ہی گئی شوکتِ دیں شانِ محمدﷺ
لکھی گئی دنیا میں ضیا! نورِ یقیں سے
انسان کی تاریخ بہ عنوانِ محمدﷺ
ضیا فتح آبادی
مہر لال سونی
No comments:
Post a Comment