عارفانہ کلام حمد نعت مقبت
نعت خوان سرورؐ کون و مکاں ہوتا ہوں میں
دیکھنا روح الامیں سے ہمزباں ہوتا ہوں میں
رات دن جس آستاں پر ہیں ملائک سجدہ ریز
بارہا اوجِ تخیل سے وہاں ہوتا ہوں میں
جب کبھی جاتے ہیں مل کر سُوئے طیبہ خوش نصیب
کارواں کے ساتھ گردِ کارواں ہوتا ہوں میں
سرورِؐ کون و مکاں پر بھیجتا ہوں صد درودﷺ
اس طرح شیریں سخن رطب اللساں ہوتا ہوں میں
عجز سے پا بوس ہوتی ہے حیاتِ جاوداں
جب فدائے نامِ شاہِؐ دو جہاں ہوتا ہوں میں
دل میں اٹھتی ہے جو یادِ ہادئ اعظم سحر
اپنے دل کے شوق سے ہم داستاں ہوتا ہوں میں
سحر دہلوی
(کنور مہندر سنگھ بیدی)
No comments:
Post a Comment