عارفانہ کلام حمد نعت مقبت
اے حبیبِ ذات اکرم یا محمد مصطفٰیﷺ
اے شہنشاہِ دو عالمﷺ رہنمائے ہر گدا
محرمِ رازِ الہٰی پیشوائے مُرسلانؑ
شافع روزِ جزا ہو مظہرِ نور خدا
ہیں تمہارے نور سے روشن ہوئے شمس و قمر
بخشیے دل کو ضیائے مرشد صدق و صفا
جز تمہارے زیر دامن بس نہیں مجھ کو پناہ
ہو جمالِ توئے اطہر یا نبیﷺ بہر خدا
عاجزوں کے مونس و غمخوار ہو ہر آن میں
کیجیے مجھ کو بری رصیاں سے با نظرِ عطا
صاحبِ لولاک ہوا، فخرِ ملائک انس و جاں
اے قسیمِ جامِ وحدت، مالکِ جود و سخا
گر مِلے ایک قطرۂ دریائے وحدت سے مجھے
صاف محویت میں ہو مجھ کو تصور آپؐ کا
آستاں میں آپؐ کے روح الامیںؑ دربان ہے
سجدہ گاہِ ہر نبی و ہر ولی و اولیاء
میراں شاہ مسکینِ عاجز پر خطا اور پر گناہ
ہو زیارت یا محمدﷺ با طفیلِ مرتضےٰ
میراں شاہ جالندھری
No comments:
Post a Comment